ᐊᓐᓄᕌᓕᐊᕆᓗᒍ

ᓇᑦᓯᐅᑉ ᕿᓯᖓ ᐊᒻᒪ ᕿᑐᒻᒪᒃᓴᕐᓯᒪᔪᑦ ᕿᓰᖏᑦ ᐊᑐᕐᑕᐅᖏᓐᓇᐅᔭᕐᓯᒪᔪᑦ ᑲᓇᑕᒥ ᐊᓐᓄᕌᓂᒃ ᑕᑯᒃᓴᐅᑎᑦᓯᓂᒃᑯᑦ ᐊᒻᒪ ᓯᕗᓪᓕᐅᖃᑦᑕᕐᓯᒪᔪᑦ ᑲᓇᑕᒥ ᐱᐅᓂᕐᐹᓄᑦ ᓴᓇᓯᒪᔪᓄᑦ ᓂᐅᕕᐊᒃᓴᓄᑦ. ᐅᑭᐅᕐᓯᐅᑏᑦ ᐊᑎᒌᑦ ᐊᒻᒪ ᑲᒦᑦ ᓇᑦᓯᔭᐃᑦ ᓱᓕ ᓂᐅᕕᕋᕐᑕᐅᓂᕐᐹᑦ, ᓴᓇᓯᒪᓂᖏᑦ ᐊᓯᔾᔨᕋᓗᐊᕐᐸ, ᐅᓪᓗᒥᓯᐅᑕᐅᓕᕐᓱᑎᒃ,  ᐊᒻᒪ ᐆᖅᑯᒍᑎᐊᓗᐃᑦ ᖃᐅᓯᓕᕈᓐᓇᕋᑎᓪᓗ.

ᐃᓕᕐᑎᕐᑎᐅᔪᑦ ᓴᓇᔪᒪᔭᒥᓂᒃ ᐊᒻᒪ ᐊᓯᖏᓐᓂᒃ ᓴᓇᔨᐅᔪᑦ ᓇᑦᓯᔭᕐᓂᒃ ᐊᔾᔨᒌᖏᑦᑐᓂᒃ ᑕᕐᓴᖃᕐᑐᓂᒃ, ᐱᐅᓯᖏᓐᓂᓪᓗ, ᐊᒻᒪ ᖃᓄᐃᑦᑐᓂᒃ ᓴᓇᓂᕐᒧᑦ ᐊᑐᕐᑕᐅᔪᓐᓇᕐᒪᑕ. ᓇᑦᓯᐅᑉ ᕿᓯᖓ ᐊᒻᒪ ᕿᑐᒻᒪᒃᓴᕐᓯᒪᑎᓪᓗᒍ ᑲᑎᑎᑕᐅᒡᒍᔪᑦ – ᑕᕐᓴᓕᐊᕆᔭᐅᓪᓗᑎᒃ ᓯᓂᒃᓴᓕᐊᕆᔭᐅᓪᓗᑎᒃ – ᓄᕕᕐᓵᓄᑦ ᐅᕝᕙᓘᓐᓃᑦ ᐊᓐᓄᕌᓄᑦ, ᐅᕝᕙᓘᓐᓃᑦ ᔭᐃᑲᓄᑦ ᐅᕝᕙᓘᓐᓃ ᐊᕐᓇᐃᑦ ᑎᒍᒥᐊᒐᖏᓐᓄᑦ ᐊᑐᕐᓱᑎᒃ ᐊᔾᔨᒌᖏᑦᑐᓂᒃ ᕿᓯᓐᓂᒃ.

ᑭᓯᐊᓂᓕ ᐱᐅᓴᐅᑎᓕᐅᕐᓂᖅ ᑲᔪᓯᕙᓪᓕᐊᑐᐃᓐᓇᕐᑐᖅ. ᐊᕐᓇᐃᑦ ᓂᕈᒥᐊᒐᖏᑦ ᐃᓚᖃᐅᕐᐸᑦᑐᑦ ᓇᑦᓯᔭᕐᓂᒃ ᐊᒻᒪ ᕿᑐᒻᒪᒃᓴᕐᓯᒪᔪᓂᒃ ᓄᑖᓂᒃ ᐅᓪᓗᒥ. ᐊᐅᓪᓚᖃᑦᑕᕐᓂᒧᓪᓗ ᐴᖃᑦᑕᐃᑦ ᐊᒻᒪ ᐴᑦ ᐊᔾᔨᒌᖏᑦᑐᓂᒃ ᐊᖏᓂᖃᕐᑐᑦ ᐱᐅᔪᒻᒪᕆᐅᓪᓗᑎᒃ ᐊᒻᒪ ᑕᑯᒥᓇᕐᑐᐊᓗᐃᑦ. ᑲᒫᓗᐃᑦ, ᐊᓐᓄᕌᓄᓪᓗ ᐃᓚᒍᑎᑦ, ᑲᒥᓪᓛᕈᑏᑦ, ᑎᒥᒃᑯᓪᓗ ᐱᐅᓴᐅᑎᑦ….ᖃᓄᕐᑑᕈᑎᒃᓴᐃᑦ ᐊᒥᓱᐊᓗᐃᑦ ᐃᓱᖃᖏᑦᑐᑦ.

ᓇᑦᓯᐅᑉ ᕿᓯᖓ ᐊᒻᒪ ᕿᑐᒻᒪᕐᓴᕐᓯᒪᑎᓪᓗᒍ ᐃᓕᖅᑯᓯᖃᒪᑕ ᐊᑐᐃᓐᓇᐅᑎᑦᓯᒋᐊᖅ, ᖃᓄᐃᑦᑐᑐᐃᓐᓇᕐᓄᑦ,  ᐊᒻᒪ ᓴᐳᒻᒥᒍᑕᐅᒻᒪᑕ ᐃᖅᑭᓇᕐᑐᒥᑦ, ᖃᐅᔨᓕᕐᑕᕋᑎᒃ, ᐊᓄᕆᑎᓪᓗᒍᓗ ᐊᑲᐅᓈᕐᒪᑕ. ᑭᓯᐊᓂ ᐱᐅᔫᓂᐊᓗᖏᑦ ᐊᑭᑕᒃᓴᐅᖏᑦᑐᑦ.

“ᓯᓚᒥ ᑕᑯᓗᒍ ᓇᑦᓯᔭᖅ ᔭᐃᑲ, ᐊᒃᓱᐊᓗᒃ ᓂᑦᑕᓚᕆᓐᓂᕐᓴᐅᕙᒻᒪᑕ,” ᐅᖃᕐᑐᑦ ᐳᕐᓂ ᕼᐊᓗᐊᕋᓐ, Bernie Halloran, ᓇᒻᒥᓂᖃᕐᑐᖅ ᓂᐅᕕᕐᕕᒥᒃ ᑕᐅᔭᐅᔪᒥᒃ Always in Vogue in ᓴᐃᑦ ᔮᓐᔅᒥ. “ᓇᑦᓯᑦ ᕿᓯᖓ ᖃᐅᒪᓂᖃᕐᒪᑦ ᐱᐅᓯᕐᒥᒍᑦ, ᓴᖅᑭᔮᑦᓯᐊᕐᑐᑦ ᓴᓇᔭᐅᔪᓐᓇᕋᑎᓪᓗ ᓂᐅᕕᒃᓴᓕᐅᕐᑐᓄᑦ.”

ᐱᐅᓯᖏᑎᒍᑦ ᑕᕐᓴᖏᑦ ᐱᐅᒋᔭᐅᔪᒻᒪᕆᐊᓗᐃᑦ ᐊᒥᓱᓄᑦ. ᑭᓯᐊᓂ, ᐊᑐᕐᑕᐅᑦᓯᐊᕐᒪᑕ ᐊᓐᓄᕌᓕᐅᕐᓂᕐᒧᑦ, ᓂᐅᕕᕋᕐᑎᐅᔪᑦ ᕿᓂᕐᐸᑦᑐᑦ ᐊᔾᔨᒌᖏᑦᑐᓂᒃ ᑕᐅᑦᑐᖏᓐᓂᒃ. ᓇᑦᓯᔭᐃᑦ ᑕᐅᑦᑐᖏᑦ ᐊᓯᔾᔨᕐᑕᐅᒍᓐᓇᕐᒥᔪᑦ ᓱᕐᕋᕐᓯᒪᖏᓪᓗᑎᒃ ᐅᕝᕙᓘᓐᓃᑦ ᑕᕐᓴᖏᑦ -ᐅᕙᓘᓐᓃᑦ ᓂᑦᑕᓚᕆᓐᓂᕐᓴᓂᒃ ᓂᕈᐊᕈᓐᓇᕆᓪᓗᑎᒃ.

ᕼᐊᓗᕋᓐ, Halloran ᐅᖃᓚᐅᕐᒥᔪᖅ ᓇᑦᓯᔭᐃᑦ ᓇᐃᓐᓂᕐᓴᐅᒻᒪᑕ ᐊᓯᖏᓐᓂᑦ ᐊᒥᕐᓂᑦ ᕿᓯᓐᓂᑦ, ᐊᒻᒪ ᑕᐃᒪᐃᒻᒪ ᐆᖅᑰᒻᒪᑕ ᐅᕿᑦᑑᓪᓗᑎᓪᓗ, ᐊᒻᒪ ᓴᓇᒍᑕᐅᔪᓐᓇᕐᑐᑦ ᐱᐅᔪᐊᓗᓐᓂᒃ, ᑕᑯᒥᓇᕐᑐᓂᒃ ᐊᓐᓄᕌᓂᒃ,” ᐅᖃᕐᓱᓂᓗ, “ᖁᔭᓇᕐᓯᔪᖃᔾᔮᖏᒻᒪᑦ ᓴᓇᓯᒪᓂᖏᓐᓂᒃ ᐅᖅᑯᔪᓂᒃ -ᑕᒪᐃᓐᓄᑦ ᐊᑑᑎᖃᒪᑕ.”