ᓇᑦᓯᓯᐅᕐᓂᕐᒥᒃ ᐃᑲᔪᕐᓯᔨᐅᔪᑦ

ᐊᒥᓱᒻᒪᑕ ᑲᓇᑕᒥ ᐊᒻᒪ ᑲᓇᑕᐅᑉ ᐊᓯᐊᓂ ᒥᐊᓂᕐᓯᓂᕐᒧᑦ ᑲᑐᔾᔨᖃᑎᒌᑦ ᐅᖃᕐᓯᒪᔪᑦ ᐃᑲᔪᕐᓯᓂᕋᓱᑎᒃ ᑲᓇᑕᒥ ᓇᑦᓯᓯᐅᕐᐸᓐᓂᕐᒥᒃ. ᐃᓕᑕᕐᓯᓯᒪᔪᑦ ᐋᖅᑭᐅᒪᑎᑕᐅᑦᓯᐊᕐᓂᖓᓂᒃᐊᒻᒪ ᐱᒻᒪᕆᐅᓂᖓᓂᒃ ᒥᐊᓂᕆᔭᐅᓂᖏᑕ ᐊᒻᒪ ᒪᓕᒐᕐᑎᒍᑦ ᐊᐅᓚᑕᐅᓂᖃᕐᓱᓂ ᓇᑦᓯᓯᐅᕐᐸᓐᓂᒃ.

ᑲᓇᑕᒥᐅᓂᒃ ᓇᑦᓯᓯᐅᕐᐸᑦᑐᓂᒃ ᐃᑲᔪᓂᔪᑦ: ᓇᒻᒥᓂᖅ ᐅᖃᐅᓯᕐᒥᒍᑦ

ᑲᓇᑕᐅᑉ ᒐᕙᒪᖏᑦ, ᐊᖅᑯᑎᖃᕐᓱᑎᒃ ᒐᕙᒪᑐᖃᒃᑯᑦ ᐃᒪᕐᒥᐅᑕᓕᕆᔨᖏᑦ, ᑕᐃᒫᑦᓴᐃᓐᓇᖅ ᐃᑲᔪᕐᓯᓯᒪᒻᒥᔪᑦ ᓇᑦᓯᓂᐊᕐᓂᕐᒥᒃ ᐊᒻᒪ ᓯᓚᕐᔪᐊᒥ ᓂᐅᕕᐊᒃᓴᓕᐅᕐᓂᕐᒥᒃ ᓇᑦᓯᐅᑉ ᓂᕿᐊᓂᒃ ᓴᓇᓯᒪᔪᓂᓪᓗ:

“ᑲᓇᑕᐅᑉ ᒐᕙᒪᖏᑦ ᐅᒃᐱᕈᓱᒻᒪᑕ ᑲᔪᓯᑎᑦᓯᓯᐊᖃᑦᑕᕆᐊᖃᓂᕐᒥᒃ ᓄᓇᒥᐅᑕᐃᑦ ᐱᕈᒃᑲᓐᓂᕈᓐᓇᕐᑐᓂᑦ ᓲᕐᓗ ᖃᐃᕈᓖᑦ. ᑕᐃᒪᐃᒻᒪᑕᑦᑕᐅᖅ ᑲᒪᒋᔭᐅᓂᖏᑦ ᑲᓇᑕᒥ ᐃᖃᓗᓕᕆᔨᒃᑯᑦ, ᑲᓇᑕᒥ ᐃᒪᕐᒥᐅᑕᓕᕆᔨᒃᑯᑦ ᐃᑲᔪᕐᓯᓪᓗᑎᒃ ᐊᒻᒪ ᐊᐅᒪᑦᓯᓂᖃᕐᓱᑎᒃ ᓇᑦᓯᓯᐅᕐᐸᓐᓂᕐᒥᒃ ᐊᒻᒪ ᐱᓂᐊᕐᓂᖃᕐᑐᑦ ᑲᔪᓯᑦᓯᐊᖏᓐᓇᖁᓪᓗᒋᑦ ᐊᒻᒪ ᐊᑦᑕᓇᕐᑐᒥᖁᓇᒋᑦ ᐊᒻᒪ ᐃᓕᐊᕐᕆᑎᑦᓯᖃᑦᑕᖁᓇᒋᑦ ᐆᒪᔪᓂᒃ.

ᑲᓇᑕᒥ ᓇᑦᓯᓯᐅᕐᐸᓐᓂᖅ ᓯᓚᕐᔪᐊᒥ ᒪᓕᒐᕐᑎᒍᑦ ᐊᐅᓚᑕᐅᓂᕐᐸᐅᕗᖅ ᐊᒻᒪ ᖃᐅᔨᓴᖃᑦᑕᕐᓂᒃᑯᑦ ᐆᒪᔪᓯᐅᕐᓂ. ᐱᒻᒪᕆᐅᔪᖅ ᑕᒪᓐᓇ ᑮᓇᐅᔭᓕᐅᕈᑎᒃᓴᓄᑦ ᐊᒻᐊᒪ ᐃᓕᖅᑯᓯᖃᕈᑕᐅᒻᒪᑕ ᓄᓇᓕᓐᓂ ᑲᓇᑕᐅᑉ ᑲᓇᓐᓇᖓᓂ, ᑯᐸᐃᒃᒥ ᐊᒻᒪ ᐅᑭᐅᖅᑕᕐᑐᒥ.”

—ᑲᓇᑕᒥ ᐃᒪᕐᒥᐅᑕᓕᕆᔨᒃᑯᑦ, ᐱᑐᕕᖓ: ᐱᒻᒪᕆᐅᓂᖓ ᓇᑦᓯᓯᐅᕐᓂᐅᑉ

ᓯᓚᕐᔪᐊᒥ ᐆᒪᔪᓕᕆᓂᕐᒥᒃ ᑮᓇᐅᔭᖃᕐᑎᑦᓯᔨᑦ, WWF) ᑲᓇᑕᒥ, ᐊᑲᐅᓂᕐᐹᓂᒃ ᒥᐊᓂᕐᓯᓂᕐᒧᑦ ᑲᑐᔾᔨᖃᑎᒌᖃᒪᑕ, ᖃᐅᔨᓴᐃᓐᓇᕐᐸᑦᑐᓂᒃ ᓇᑦᓯᓯᐅᕐᓂᐅ ᒥᒃᓵᓄᑦ, ᐊᒻᒪ ᖁᕕᐊᒋᔭᖃᕐᑐᑦ ᐱᓕᕆᒍᓯᕆᔭᖏᓐᓂᒃ, ᐊᒻᒪ ᓄᖑᑉᐸᓪᓕᐊᒋᐊᖃᖏᓐᓂᒃ ᖃᐃᕈᓖᑦ.

ᑎᑎᕋᕐᓯᒪᔭᖏᑎᒍᑦ ᐅᖃᕐᓯᒪᔪᑦ ᐆᒪᔪᕐᓯᐅᓂᖅ, ᓯᓚᕐᔪᐊᒥ ᐅᒪᔪᓕᕆᓂᕐᒥᒃ ᑮᓇᐅᔭᖃᕐᑎᓯᔨᖏᑦ ᐅᖃᕐᑎᓪᓗᒋᑦ ᐃᒫᒃ:

“ᒥᐊᓂᕐᓯᓂᕐᒧᑦ ᑲᑐᔾᔨᖃᑎᒌ ᐃᓱᒪᒋᔭᖓᑎᒍᑦ, ᖃᐃᕈᓖᑦ ᐅᓄᕐᓂᕐᐸᐅᖃᑕᐅᓕᕐᒪᑕ ᑕᐃᒪᖓᓂᐊᓗᒃ ᓴᓂᐊᓂ ᐅᓄᕐᓂᖃᕐᑐᒋᔭᐅᔪᑦ 8 ᒥᓕᐊᓐᓂᒃ. ᐅᓪᓗᒥ ᓇᑦᓯᓯᐅᕐᐸᓐᓂᖅ ᐊᑦᑕᕐᓇᕈᑕᐅᖏᑦᑐᖅ ᖃᓄᐃᓐᓇᑎᓪᓗ ᐆᒪᔪᑦ ᐅᓄᕐᓂᖏᑦ ᒫᓐᓇᒥ.”

—ᓯᓚᕐᔪᐊᒥ ᐅᒪᔪᓕᕆᓂᕐᒥᒃ ᑮᓇᐅᔭᖃᕐᑎᑦᓯᔨᑦ ᑲᓇᑕ, ᐱᑐᕝᕕᐊ: ᐃᓱᒪᒋᔭᒥᓄᑦ ᐅᖃᐅᓯᖏᑦ: ᖃᐃᕈᓕᑦ ᑲᓇᑕᐅᑉ ᑲᓇᓐᓇᖓᓂ

ᑲᔪᓯᑦᓯᐊᖏᓐᓇᕐᓂᖅ, ᐃᒃᐱᒍᓱᑦᓯᐊᕐᓂᒃᑯᑦ, ᐊᒻᒪ ᑮᓇᐅᔭᓕᐅᕈᑕᐅᔪᓐᓇᕐᑐᑦ

ᐊᓯᖏᑦ ᑲᑐᔾᔨᖃᑎᒌᑦ ᕿᒥᕈᓯᒪᒻᒥᔪᑦ ᑲᓇᒥ ᓇᑦᓯᑦ ᐅᓄᕐᓂᖏᓐᓂᒃ, ᐊᒻᒪ ᐅᒪᔪᕐᓯᐅᖃᑦᑕᕐᓂᕐᒥᒃ ᖃᓄᕐᑐᕈᑕᐅᒍᓐᓇᕐᓗᑎᒃ.

ᓂᕿᑦᓯᐊᕙᓕᕆᔨᒃᑯᑦ Smarter Seafood ᓴᖅᑭᑎᑦᓯᕙᑦᑐᑦ ᐊᕐᕌᒍᑕᒫᑦ ᑲᒪᑦᓯᐊᕐᓂᕐᒧᑦ ᒪᓕᒋᐊᓕᓐᓂᒃ -ᑎᑎᕋᕐᓯᒪᓂᖓᒍᑦ St. Lawrence,ᒥ ᐃᒪᒥᐅᑕᓄᑦ ᐆᒪᔪᓄᑦ ᓂᕿᑦ, ᓇᒻᒪᓇᕐᓗᒋᓪᓗ ᐊᑭᖏᑦ, ᐊᒻᒪ ᓇᑦᓯᕐᑕᐅᕙᑦᑐᑦ ᑲᒪᒋᔭᐅᑦᓯᐊᕆᐊᖃᓂᖏᑦ. ᑐᕌᒐᖃᒪᑕ ᑖᒃᑯᐊ ᐃᒪᕐᒥᐅᑐᓂᒃ ᓂᕿᓕᕆᔨᐅᔪᑦ ᑲᔪᖏᕐᓱᐃᒋᐊᖅ ᖃᐅᔨᒪᔭᐅᖏᓐᓂᕐᓴᓂᒃ ᑭᓯᐊᓂ ᑎᒥᒧᑦ ᓂᕿᑎᑦᓯᐊᕙᐅᓪᓗᑎᒃ ᐊᒻᒪ ᐋᖅᑭᐅᒪᑎᑕᐅᑦᓯᐊᕐᑐᑦ. ᑕᒪᕐᒥᒃ ᖃᐃᕈᓖᑦ ᐊᒻᒪ ᓇᑦᓯᑦ ᐳᕕᓱᑦ ᐃᓚᒋᓕᐅᑎᓯᒪᔪᑦ ᓂᕿᑦᓯᐊᕙᓕᕆᔨᓄᑦ ᒫᓐᓇᕋᑖᓗ ᐃᓕᔭᐅᓪᓗᑎᒃ. ᑖᒃᑯᐊ ᓂᕿᑦᓯᐊᕙᓪᕆᔨᑦ ᐃᒪᕐᒥᐅᑕᓂᒃ ᒪᓕᑦᐸᑦᑐᑦ ᒪᓕᒋᐊᓕᓐᓂᒃ ᐃᒪᕐᒥᐅᑕᓕᕆᓂᕐᒧᑦ ᖃᐅᔨᓴᕐᓂᒃᑯᑦ ᐊᒻᒪ ᐆᒪᔪᓂᒃ ᐊᔾᔨᒌᒋᑦᑐᓂᒃ ᑎᑎᕋᕐᓂᒃᑯᑦ.

ᓯᓚᕐᔪᐊᒥ, ᑖᒃᑯᐊ ᓯᓚᕐᔪᐊᒥ ᑎᒥᐅᔪᑦ ᒥᐊᓂᕐᓯᓂᕐᒧᑦ ᐊᕙᑎᒥᒃ, (IUCN) ᐃᑲᔪᕈᑎᒃᓴᓄᐊᕐᓗᑎᑦ ᑕᑯᒐᔭᕋᕕᑦ ᐅᓪᓗᒥᓂᑕᕐᓂᒃ ᒥᐊᓂᕐᓯᒍᑕᐅᔪᓂᒃ ᐆᒪᔪᓂᒃ, ᐱᕈᕐᑐᓂᒃ, ᐊᒻᒪ ᓂᕿᒃᓴᓂᒃ ᐆᒪᔪᓂᒃ. ᑖᒃᑯᐊ ᓯᓚᕐᔪᐊᒥ ᑎᒥᐅᔪᑦ ᒥᐊᓂᕐᓯᓂᕐᒧᑦ ᐊᕙᑎᒥᒃ ᐊᐅᐸᕐᓯᓯᒪᔪᒥᒃ ᑕᕐᓴᖃᕐᑐᑦ ᐊᑦᑕᓇᕐᑐᒥᑐᐃᓐᓇᕆᐊᓖᑦ ᐆᒪᔪᑦ ᑕᑕᒪᕐᒥᒃ ᖃᐃᕈᓖᑦ ᐊᒻᒪ ᓇᑦᓯᓪᓗ ᐳᕕᓲᑦ ᑎᑎᕋᕐᑕᐅᓯᒪᑎᓪᓗᒋᑦ ᐃᓱᒫᓗᒍᑎᒋᔭᐅᖏᓐᓂᕐᐹᓄᑦ.

ᑕᐃᒫᑦᓴᐃᓐᓇᑲᓴᒃ, ᓯᓚᕐᔪᐊᒥ ᑲᑎᒪᔨᖏᑦ ᑕᐅᕐᓯᖃᑦᑕᐅᑎᓂᕐᒧᑦ ᐆᒪᔪᕕᓂᕐᓂᒃ ᐆᓇᕐᑐᒥ ᐊᒻᒪ ᐅᓇᖏᑦᑐᒥ ᓯᓚᕐᔪᐊᒥ ᑎᑎᕋᕐᑕᐅᓯᒪᖏᑦᑐᑦ ᐅᕝᕙᓘᓐᓃᑦ ᐃᓱᓕᑦᑕᕐᕕᖃᕐᑎᑕᐅᓇᑎᒃ ᑕᐅᕐᓯᓂᓕᕆᓂᕐᒧᑦ ᖃᐃᕈᓕᓐᓂ, ᐳᕕᓲᓂᒃ ᓇᑦᓯᓂᒃ, ᐅᔾᔪᓂᒃ, ᐅᕝᕙᓘᓐᓃᑦ ᖃᓯᒋᐊᕐᓂᓪᓗ.

ᓴᐃᑏᔅᑯᑦ, CITES ᓯᓚᕐᔪᐊᒥ ᐊᖏᖃᑎᒌᒍᑕᐅᓯᒪᔪᖅ ᒐᕙᒪᓄᑦ ᑲᒪᕙᑦᑐᓄᑦ ᓯᓚᕐᔪᐊᒥ ᑕᐅᖅᓯᖃᑦᑕᐅᑎᓂᖅ ᐆᒪᔪᕕᓂᕐᓂᒃ ᐊᒻᒪ ᐱᕈᖅᑐᓂᒃ ᐊᑦᑕᕐᓇᖁᓇᒍ. ᑖᒃᑯᐊ ᐊᖏᖃᑎᒌᒍᑕᐅᓯᒪᔪᑦ ᐊᑐᕐᑕᐅᔪᑦ ᑲᓇᑕᒥ ᐱᔾᔪᑎᓖᑦ ᐅᒪᔪᕕᓂᕐᓂᒃ ᐊᒻᒪ ᐱᕈᖅᑐᓂᒃ ᑕᐅᕐᓯᖃᑦᑕᐅᑎᓂᕐᒧᑦ ᒪᓕᒐᖏᑦ, (WAPTR) ᐋᖅᑭᒃᓱᕐᑕᐅᓯᒪᔪᑦ ᐆᒪᔪᓂᒃ ᐱᕈᖅᑐᓂᓪᓗ ᓴᐳᒻᒥᒋᐊᖃᓂᕐᒧᑦ ᐊᒻᒪ ᓯᓚᕐᔪᐊᒥ ᑕᐅᕐᓯᖃᑦᑕᐅᑎᓂᕐᒧᑦ ᐱᖁᔭᕐᔪᖅ, (WAPPRIITA). ᑖᒃᑯᐊ ᓇᑦᓰᑦ ᐊᔾᔨᒌᖏᑦᑐᑦ ᑎᑎᕋᖅᑕᐅᓯᒪᓂᖏᑦᑐᑦ ᐅᑯᓇᓂ WAPTR ᑕᒪᕐᒥᒃ—ᐊᒻᒪᓗ ᓇᓗᓇᐃᕐᓯᒍᑕᐅᓪᓗᑎᒃ ᐅᓄᕐᓂᖏᓐᓂᒃ ᐆᒪᔪᑦ. (ᒐᕙᒪᒃᑯᑦ ᐊᕙᑎᓕᕆᔨᖏ ᓇᑦᓯᑦ ᐊᒻᒪ ᓇᑦᓯᓕᕆᓂᕐᒧᑦ ᑐᓴᐅᒪᐅᑎᖓ ᑎᑎᖅᕋᖅᓯᒪᔪᑦ ᐱᔾᔪᑎᖃᕐᑐᓂᒃ ᓇᑦᓯᓂᒃ ᓴᐳᒻᒥᒋᐊᖃᓂᕐᒧᑦ ᐅᑯᐊ ᐊᑖᒍᑦ ᓴᐃᑎᔅᑯᑦ, CITES (ᔪᓚᐃ 2, 2020))

ᐊᑭᕋᕐᑐᕐᐸᑦᑐᑦ ᑲᓇᑕᒥ ᓇᑦᓯᓯᐅᕐᐸᓐᓂᕐᒥᒃ ᐃᒃᐱᒍᓱᑉᐸᖏᒻᒪᑕ ᓱᓕᔪᓂᒃ ᐊᒻᒪ ᑐᕌᖅᑕᖃᖔᓕᕐᓱᑎᒃ ᐊᑲᐅᖏᓕᐅᕈᑕᐅᔪᓂᒃ ᐆᒪᔪᕐᓂᐊᕐᓂᖅ ᐊᐅᓚᑕᐅᓂᖃᑦᓯᐊᕐᑎᓪᓗᒍ ᓱᓕᔪᓂᒃ ᐊᕙᑎᐅᑉ ᐅᒪᔪᓂᐊᕐᓂᐅᓪᓗ ᐊᐅᓚᑦᓯᒍᑎᖃᓂᒃᑯᑦ. ᐅᖃᓚᐅᕐᓯᒪᓂᑰᒻᒪᑦ ᐅᐃᒍᐃᖅ ᖃᐅᔨᒪᔭᐅᒻᒪᕆᑦᑐᖅ ᓄᓇᒥᐅᑕᓂᒃ ᒥᐊᓂᕐᓯᔨᐅᓂᕐᒧᑦ ᔮᒃ ᑲᐅᔅᑕᐅ, Jacques Cousteau, ᐊᑭᕋᕐᑐᓚᐅᕐᓯᒪᔪᖅ ᓇᑦᓯᓂᐊᕈᓐᓇᕐᓂᕐᒥᒃ 1978,ᒥ:

“ᓱᓕᔪᓂᒃ ᐊᑐᕆᐊᖃᕋᑦᑕ. ᓯᕗᓪᓕᕐᒥ ᖃᓄᐃᓘᕐᐸᓐᓂᑦᑎᓐᓂᒃ ᐆᒪᔪᓄᑦ. ᑭᒃᑯᑐᐃᓐᓇᐃᑦ ᐱᕙᓪᓕᕐᑐᒋᔪᑦ ᖃᐃᕈᓕᓐᓂᒃ ᑕᐃᒫᑦᓴᐃᓐᓇᖅ ᑯᒃᑯᓯᑎᑐᑦ – ᐱᐅᖏᑦᑐᒻᒪᕆᐊᓘᒻᒪᑦ ᐅᒪᑎᓪᓗᒋᑦ ᑐᖁᑦᓯᕙᓐᓂᖅ.”

—ᔮᒃ ᑲᔅᑕᐅ, Jacques Cousteau