ᓇᑦᓰᑦ ᕿᓯᖏᑦ, ᑕᒪᕐᒥᒃ ᒥᖅᑯᖓᓗ ᐊᒻᒪ ᕿᑐᒻᒪᓴᕐᓯᒪᔪᑦ ᒥᖅᑯᖃᖏᑦᑐᑦ, ᐊᑐᕐᑕᐅᖃᑦᑕᕐᓯᒪᒻᒪᑕ ᐊᕐᕌᒍᒐᓵᓗᓐᓂ ᑕᐅᓴᖏᓐᓂᑦᑐᓂ ᑲᓇᑕᒥ ᐅᑭᐅᕐᑕᕐᑐᒥᐅᖑᓂᕐᐹᓂᒃ ᓴᐳᒻᒥᐅᑕᐅᓪᓗᑎᒃ ᐅᑭᐅᒃᑯᑦ. ᓇᑦᓯᔭᐃᑦ ᐊᓂᕐᑎᕆᕕᑦᓯᐊᕙᐃᑦ, ᑭᓯᐊᓂ ᐊᓄᕆᒥ ᕿᐅᔾᔭᐃᒃᑯᑏᑦ ᐊᒻᒪ ᐅᖅᑯᓪᓗᑎᒃ. ᓇᑦᓯᔭᖅ ᒥᖅᑲᖏᑦᑐᖅ ᕿᑐᑦᑐᑯᓘᒻᒪᑦ ᐊᒻᒪ ᐊᓕᑦᓴᕋᐃᒐᓂ, ᐱᐅᓪᓗᓂ ᐊᒻᒪ ᑕᑯᒥᓇᕐᑐᐊᓗᒃ, ᐊᑲᐅᓈᑦᓯᐊᕐᑐᖅ ᓱᓇᑐᐃᓐᓇᒧᑦ ᐊᑐᕐᓗᒍ ᓇᑦᓯᔭᖅ.
ᓇᑦᓰᑦ ᕿᓯᖏᑦ ᓴᖅᑭᔮᖅᑎᑦᓯᒍᑕᐅᒪᑦ ᓄᐃᑦᓯᒋᐊᓪᓚᓐᓂᒃᑯᑦ ᑲᓇᑕᒥ ᓴᓇᖑᐊᕐᑎᓂᒃ ᐊᒻᒪ ᐊᑐᕐᑕᐅᕙᑦᓂᖏᑎᒍᑦ ᖁᑦᓯᓐᓂᕐᓴᓄᑦ. ᐊᒻᒪᓗ ᐊᑐᕐᑕᐅᒍᓐᓇᑦᓯᐊᕐᑐᑦ ᐅᓪᓗᒥᐅᓕᕐᑐᖅ ᑕᐅᑦᑐᓕᓐᓂᒃ ᐊᓐᓄᕌᓕᐅᕐᓂᒃᑯᑦ ᕿᓯᓐᓂᒃ: ᓱᕐᕋᒃᓴᕋᐅᑎᑎᒋᓇᖏᑦᑐᑦ ᕿᓯᖏᑦ ᐊᒻᒪ ᐱᖅᑯᖃᕋᓂ ᕿᑐᒻᒪᒃᓵᖑᓪᓗᑎᒃ ᓈᒻᒪᓈᑦᓯᐊᕐᓱᑎᓪᓗ ᑲᓇᑕᐅᑉ ᓯᓚᖓᑕ ᖃᓄᐃᓲᒍᓂᖏᓐᓄᑦ; ᐊᑐᓂᑦ ᕿᓰᑦ ᐃᒻᒥᒃᑯᑦ ᑕᐅᑦᑐᓐᓂᖃᕐᑐᑦ ᐊᒻᒪ ᑕᕐᓴᖃᕐᓱᑎᒃ ᐱᐅᔪᐊᓗᓐᓂᒃ ᐊᒻᒪ ᐊᑐᕐᑕᐅᔪᓐᓇᕐᑐᑦ ᑕᑯᒃᓴᐅᑎᑕᐅᔪᓄᑦ ᑲᒫᓗᓐᓄᑦ, ᑲᒥᓐᓄᑦ, ᔭᐃᑲᓄᑦ, ᐱᐅᓴᐅᑎᓄᑦ, ᐊᒻᒪ ᐃᓪᓗᒧᑦ ᐱᐅᓴᐅᑕᐅᓗᑎᒃ.
ᓇᑦᓰᑦ ᕿᓯᖓ ᐊᒻᒪ ᕿᑐᒻᒪᓴᕐᓯᒪᔪᑦ ᐊᒥᓱᐊᓘᒻᒪᑕ ᐊᑐᐃᓐᓇᐅᔪᑦ ᖃᓄᐃᑦᑐᑐᐃᓐᓇᕐᓂᖅ ᓴᓇᒍᑎᒃᓴᐃᑦ, ᑕᐅᒥᓇᕐᑐᓂᒃ ᐊᒻᒪ ᓄᑖᕐᓂᑕᓂᒃ. ᐊᒻᒪ ᐅᓪᓗ ᕿᓰᑦ ᐊᔾᔨᒌᖏᑦᑐᑦ ᐊᒻᒪ ᐊᑑᑎᖃᑦᓯᐊᕐᓱᑎᒃ ᖃᓄᑐᐃᓐᓇᖅ. ᐃᓱᒪᒃᓴᕐᓯᐅᕈᑎᖃᓕᕈᕕᑦ ᖃᓄᐃᑦᑐᒥᒃ ᐊᑐᕆᐊᖃᕐᓂᕐᒧᑦ ᕿᓯᒻᒥᒃ (ᐅᕙᓘᓐᓃᑦ ᓂᕈᒥᐊᕋᓕᐅᕈᒪᒍᕕᑦ), ᑐᐊᕕᖏᓪᓗᑎᑦ ᕿᒥᕐᕈᔭᐃᓐᓇᕆᓗᒋᑦ ᓇᓪᓕᑳᕐᕕᒃᓴᑎᑦ:
ᑕᐃᒪᖓᓕᒫᑲᓴᑦ ᓯᐊᕐᓇᐅᑎᓪᓗᒋᑦ ᑕᐅᑦᑐᖏᑦ ᐊᒻᒪ ᑕᕐᓴᖃᐅᕐᓱᑎᒃ ᕿᕐᓂᕐᑐᓂᒃ, ᓇᑦᓯᐅᑉ ᕿᓯᖏᑕ ᑕᐅᑦᑐᖏᑦ ᐊᓯᔾᔨᕐᑕᐅᕙᒻᒥᔪᑦ ᐊᓯᖏᓐᓄᑦ ᑕᕐᓴᓄᑦ ᐊᒻᒪ ᐊᑐᐃᓐᓇᐅᔪᑦ ᐊᔾᔨᒌᖏᑦᑐᓂᒃ ᑕᕐᓴᓖᑦ ᐊᒻᒪ ᐊᒥᐊᓖᑦ. ᕿᑐᑦᑐᐊᐱᐅᓪᓗᑎᒃ, ᓇᐃᓐᓂᕐᓴᐃᑦ ᐊᒻᒪ ᕿᓪᓕᕐᓱᑎᒃ ᐊᒥᖏᑦ ᐊᑐᕐᑕᐅᔪᓐᓇᕐᑐᑦ ᐊᔾᔨᒌᖏᑦᑐᓄᑦ ᐊᒥᓱᓄᑦ.
ᖃᐅᔨᓴᕈᑏᑦ ᑕᕐᓴᖏᓐᓂᒃ, ᐊᒥᐊᖏᓐᓂᒃ
ᕿᓯᒃ ᕿᑐᒻᒪᒃᓴᕐᓯᒪᔪᖅ ᐊᒃᓱᐊᓗᓂᒃ ᐊᑑᑎᖃᕐᒪᑦ. ᒪᓕᓪᓗᒍ ᓂᐅᕕᕋᕐᑎᐅᑉ ᖃᓄᐃᑦᑐᓂᒃ ᑐᒃᓯᕋᕐᓂᖓ, ᓵᑦᑑᒐᑎᒃ ᐊᒻᒪ ᐊᑑᑎᖃᑦᓯᐊᕐᒪᑕ ᐅᖅᑯᓪᓗᑎᒃ.
ᑕᑯᒋᐊᕐᓗᒋᑦ ᓴᓇᐅᒐᕐᓄᑦ ᐃᓚᒋᓕᐅᑎᓯᒪᓂᖏᑦ ᐊᒻᒪ ᓂᕕᒡᖓᑕᕐᓄᑦ ᓇᑦᓯᔭᐅᓪᓗᑎᒃ ᓂᕈᐊᕐᕕᒃᓴᐃᑦ ᐅᕝᕙᓘᓐᓂᑦ ᐊᑐᕈᓐᓇᕐᑐᑦ ᓴᓇᒍᒪᔭᓐᓄᑦ ᓇᒻᒥᓂᖅ. ᓇᒻᒥᓂᖅ ᓴᓇᒍᒪᔭᓐᓄᑦ ᕿᓯᒃ ᐊᑐᕐᓗᒍ ᐊᔾᔨᐅᖏᑦᑐᓂᒃ ᐅᓪᓗᒥᓂᑕᐅᓕᕐᑐᓂᒃ ᓴᓇᒍᒪᒍᕕᑦ!
ᑕᕐᓴᑐᐊᕐᓂᒃ ᓇᓪᓕᑲᕆᐊᖃᕋᕕᑦ ᓂᕈᐊᕐᓯᓕᕈᕕᑦ ᓇᑦᓯᐅᑉ ᕿᓯᖓᓂᒃ. ᖃᓄᖅ ᐃᓐᓇᐅᑎᒋᓂᖓ ᓇᑦᓯᐅᑉ ᐱᒻᒪᕆᐅᕗᖅ ᐃᒃᐱᒋᒋᐊᖅ. ᖃᑦᓯᓂᒃ ᐊᕐᕌᒍᖃᓂᐊ ᐊᒻᒪ ᖃᓄᖅ ᑕᑯᒥᓇᕐᑎᒋᓂᖓ ᐱᒻᒪᕆᐅᒻᒥᔪᖅ ᐃᓱᒪᒃᓴᕐᓯᐅᕈᑎᒋᔭᕆᐊᖅ. “Beater” ᕿᓰᑦ ᒪᒃᑯᓐᓂᕐᓴᐃᑦ ᓇᑦᓯᑦ, ᑲᒪᓇᖏᑦᑐᕐᓘᓐᓃᑦ, ᕿᑐᑦᑑᓂᖏᑦ ᐊᒻᒪ ᐊᒻᒪ ᐊᓯᖏᓐᓄᑦ ᐊᑐᑦᓯᐊᕐᒪᑕ. ᐊᒻᒪᓗ ᐊᔾᔨᒌᖏᑦᑐᓂᒃ ᑕᕐᓴᖃᕐᑐᑦ ᓴᓂᐊᓂ ᐃᓐᓇᐅᓂᕐᓴᐃᑦ ᓈᑦᓯᑦ ᕿᓯᖏᓐᓂᑦ.
ᐃᓐᓇᐅᓂᕐᓴᐃᑦ ᕿᓯᖏᑦ ᐃᔾᔪᓂᕐᓴᐅᒻᒪᑕ, ᓴᓐᖏᓂᕐᓴᐅᓪᓗᑎᒃ, ᐊᖏᓂᕐᓴᐅᒻᒪᑕ. ᑕᒪᒃᑯᐊ ᕿᓰᑦ ᐊᑲᐅᓈᕐᑐᑦ ᐃᓪᓗᒥᐅᑕᓄᑦ ᐊᖏᔫᑎᓄᑦ ᖄᓕᐊᕆᒋᐊᖅ ᐊᒻᒪ ᑐᓪᓕᕋᕕᒃᓴᐅᓪᓗᑎᒃ ᓴᓐᖏᓂᖏᓐᓄᑦ. ᐃᓐᓇᐅᓂᕐᓴᐃᑦ ᓇᑦᓰᑦ ᐹᖃᑦᑕᑐᕕᓂᐅᑐᐃᓐᓇᕆᐊᖃᒪᑕ ᐃᓅᓯᕆᔭᒥᓂ; ᐊᒥᓱᓪᓗ ᕿᑦᑐᑦᓯᒪᔪᑦ ᑯᑭᓐᓄᑦ. ᑕᒪᒃᑯᐊᖑᒐᓗᐊᕐᑎᓪᓗᒋᑦ ᓱᕋᐃᒍᑕᐅᖏᒻᒪᑕ ᕿᓯᓕᒫᒧᒧᑦ ᑭᓯᐊᓂ ᐃᒃᐱᒋᔭᐅᒋᐊᓪᓚᑦᑐᑦ “bad ass”,ᖑᓂᕋᕐᑕᐅᔪᑦ —ᓲᖃᐃᒻᒪ, ᓇᓪᓕᑳᕈᓐᓇᕋᕕᑦ ᐱᐅᓂᕐᐹᒥᒃ ᓴᓇᒍᒪᔭᐃᑦ ᒪᓕᓪᓗᒍ.
ᒪᕐᕈᒻᒪᑎ (2) ᓇᑦᓰᑦ ᐅᕝᕙᓘᓐᓃᑦ ᐅᓄᕐᓂᕐᓴᐃᑦ ᐊᑐᕐᑕᐅᓂᕐᓴᐅᕙᑦᑐᑦ ᑲᓇᑕᒥ: ᖃᐃᕈᓖᑦ ᓇᑦᓯᑐᐃᓐᓇᐃᓪᓗ. ᓴᑦᓯᑐᐃᓐᓇᐃᑦ ᕿᓯᖏᑦ ᐊᑐᕐᑕᐅᓂᕐᐸᐅᓲᑦ ᐃᓄᓐᓄᑦ ᓄᓇᕗᒻᒥ, ᓄᓇᑦᓯᐊᒥ ᐊᒻᒪ ᐊᑯᑭᑦᑐᓂ. ᓇᑦᓯᑐᐃᓐᓇᐃᑦ ᕿᓯᖏᑦ ᖃᐅᔨᒪᔭᐅᓂᖃᒪᑕ ᕿᕐᓂᕐᑐᓂᒃ ᑕᕐᓴᓖᑦ ᖁᓖᖓᒍᓪᓗ ᓂᑦᑕᓚᕆᖏᓐᓂᕐᓴᓂᒃ ᑕᕐᓴᖃᕐᓱᑎᒃ. ᖃᐃᕈᓖᑦ ᕿᓯᖏᑦ ᖃᐅᔨᒪᔭᐅᓂᖃᒥᔪᑦ ᐊᑯᑭᑦᑐᓂ ᓇᑦᓯᑦ ᖃᓄᐃᑦᑑᓂᖏᑦ, ᑐᓄᐊᒍᑦ ᑕᕐᓴᖃᒥᒻᒪᑕ ᓂᐅᖓᕐᑎᕐᓯᒪᔪᓂᒃ ᕿᕐᓂᕐᑐᓂᒃ ᖁᓕᖏᒍᑦ ᐱᕈᕇᕐᓯᒪᓕᑐᐊᕋᒥᒃ. ᒪᒃᑯᓐᓂᕐᓴᐃᑦ ᖃᐃᕈᓖᑦ ᓯᐊᕐᓇᐅᓂᕐᓴᐃᑦ ᑕᕐᓴᖃᐅᕐᓱᑎᒃ ᕿᕐᓂᕐᑐᓂᒃ ᐊᒻᒪ ᐊᑐᐃᓐᓇᐅᔪᑦ ᓂᐅᕕᐊᒃᓴᐅᓪᓗᑎᒃ ᐊᒥᓱᒻᒪᕆᐊᓘᒻᒪᑕ.
ᑐᖑᔪᕈᔪᑦᑑᔭᕐᑐᑦ ᖃᐅᓯᓕᑐᐊᕋᒥᒃ ᐊᒻᒪ ᓯᐊᕐᓇᐅᓪᓗᑎᒃ ᐸᓂᕐᓯᒪᔪᑦ, ᐃᓐᓇᐃᑦ ᕿᓚᓗᒐᐃᑦ ᕿᓯᖓ ᑕᕐᓴᖃᐅᕐᒥᔪᖅ ᓂᐅᖓᓪᓚᔪᓂᒃ ᑐᓄᐊᒍᑦ ᕿᕐᓂᕐᑐᓂᒃ.
ᑕᕐᓴᓖᑦ ᓯᐊᕐᓇᒥᒃ ᐊᒻᒪ ᕿᕐᓂᕐᑐᓂᒃ ᑕᕐᓴᖃᐅᕐᑐᑦ, ᒪᒃᑯᓐᓂᕐᓴᐃᑦ ᖃᐃᕈᓖᑦ ᕿᓯᖏᑦ ᒥᑭᓂᕐᓴᐅᓪᓗᑎᒃ ᐆᑦᑐᕋᐅᑎᒃᑯᑦ ᐃᒫᒃ 36”- 48” ᖁᖓᓯᐊᓂᑦ ᐸᒥᐅᖓᓄᑦ x 24”- 36” ᓯᓕᓐᓂᖏᑦ.
ᖃᐃᕈᓖᑦ ᕿᓯᖏᑦ ᓇᓗᓇᖏᑦᓯᐊᕐᑐᑦ ᐊᒻᒪ ᑕᑕᕐᓴᖃᐅᓂᖏᑦ ᓴᓂᕋᖏᑎᒍᑦ ᑕᑯᒃᓴᐅᕙᑦᑐᑦ ᐃᓄᓐᓄᑦ ᐊᓐᓄᕌᓕᐊᕆᓯᒪᔪᓄᑦ ᐊᑯᓂᐊᓗᒃ 100,ᒐᓴᓂ ᐊᕐᕌᒍᓂ. ᖃᐃᕈᓖᑦ ᕿᓯᖏᑦ ᑕᐅᑦᑐᖃᕐᑐᑦ ᓯᐊᕐᓇᒥᒃ ᐊᒻᒪ ᕿᕐᓂᕐᑐᓂᒃ ᑕᕐᓴᖃᐅᕐᓱᑎᒃ.
ᑕᕐᓴᓕᑦ ᓯᐊᕐᓇᒥᒃ ᑕᕐᓴᖃᐅᕐᓱᑎᒃ ᕿᕐᓂᕐᑐᓂᒃ, ᒪᒃᑯᓐᓂᕐᓴᐃᑦ ᖃᐃᕈᓖᑦ ᕿᓯᖏᑦ ᕿᑐᒪᔪᑦ, ᓇᐃᓐᓂᕐᓴᐅᓪᓗᑎᒃ ᐊᒻᒪ ᕿᓪᓕᕐᑐᑦ ᒥᖅᑯᖏᑦ ᐊᒻᒪ ᐊᑐᐃᓐᓇᐅᓂᕐᐸᐅᓪᓗᑎᒃ ᓂᐅᕕᕐᕕᓂ.
ᐊᑲᐅᓂᕐᐸᐅᖏᓐᓇᐅᔭᕐᐳᖅ ᑕᐃᒪᖓᓕᒫᖅ, ᑲᒪᑦᓯᐊᕆᐊᖃᓂᖅ ᐊᕙᑎᒥᒃ ᐊᒻᒪ ᐃᒃᐱᒍᓱᑦᓯᐊᕐᓂᖅ, ᐊᑐᕐᓂᒃᑯᑦ ᓇᑦᓯᐅᑉ ᑭᓱᓕᒫᖏᓐᓂᒃ ᐅᒪᔪᕐᑕᐅᔪᑦ. ᐅᓪᓗᒥ ᓇᑦᓯᓯᐅᕐᐸᓐᓂᒃᑯᑦ ᓱᓇᓕᒫᖏᓐᓂᒃ ᐆᒪᔫᑉ ᐊᑐᕐᓂᒃᑯᑦ ᓇᑦᓯᐅᑉ ᓂᕿᖓᓂᒃ, ᐅᕐᓱᖓᓂᒃ, ᐊᒻᒪ ᕿᓯᖏᓐᓂᒃ. ᑲᓇᑕᒥ ᓇᑦᓯᓯᐅᕐᐸᓐᓂᖅ ᐊᐅᓚᑕᐅᓂᖃᑦᓯᐊᕐᑐᖅ ᐊᒻᒪ ᐊᑐᕈᑕᐅᕙᑦᑐᖅ ᐅᑯᐊ ᒪᓕᑦᓱᒋᑦ ᒐᕙᒪᒃᑯᑦ ᒪᓕᒐᖁᑎᖏᑦ.
ᓇᑦᓰᑦ ᕿᓯᖏᑦ ᕿᑐᒻᒪᒃᓴᕐᑕᐅᓂᖏᑦ. ᑕᒪᓐᓇ ᐊᑐᕐᑕᐅᕙᑦᑐᖅ ᐊᑯᓂᐅᓂᕐᓵᖁᓪᓗᒋᑦ ᕿᓰᑦ ᐅᕝᕙᓘᓐᓃᑦ ᕿᑐᒻᒪᒃᓴᕐᓯᒪᓂᖏᑦ, ᐊᒻᒪ ᓱᕈᓴᕋᐃᖏᓐᓂᕐᓴᐅᖁᓪᓗᒋᑦ. ᑕᐃᒫᒃ ᐊᑯᓂᐅᓂᕐᓴᖅ ᒥᖅᑯᐃᔭᖏᓐᓂᕐᓴᐅᖁᓪᓗᒋᑦ ᐅᕝᕙᓘᓐᓃᑦ ᕿᑐᒻᒪᒃᓴᕐᓯᒪᑦᓯᐊᕐᑎᓪᓗᒋᑦ, ᖃᓄᑐᐃᓐᓴᖅ ᐊᑐᕐᓂᕐᓴᐅᒻᒪᑕ, ᐊᒻᒪ ᓱᕋᑦᓴᕋᐃᖏᓐᓂᕐᓴᐅᓪᓗᑎᒃ. ᑲᒪᒋᔭᐅᓯᒪᑦᓯᐊᕈᑎᒃ, ᓇᑦᓯᐅᑉ ᕿᓯᖓ ᐊᒻᒪ ᕿᑐᒻᒪᒃᓴᕐᓯᒪᔪᑦ ᐊᑯᓂᐊᓘᕈᓐᓇᕐᒪᑕ ᐊᕐᕌᒍᒐᓴᓂ ᐊᑐᕐᑕᐅᔪᓐᓇᕐᓗᑎᒃ; ᖃᓄᑐᐃᓐᓇᕐᓗ ᐊᑐᕐᑕᐅᔪᓐᓇᕐᓱᑎᒃ ᐊᑯᓂ ᓄᐃᑕᓂᐊᕐᑎᓪᓗᒋᑦ.
ᖃᐅᔨᒪᔭᐅᓗᓂ ᓂᐅᕕᕐᐸᑦᑐᓄᑦ: ᑲᓇᑕᓕᒫᒥ, ᓇᑦᓯᑦ ᕿᓯᖏᑦ ᓂᐅᕕᕐᑕᐅᔪᓐᓇᕐᓂᖏᑦ ᒪᓕᒐᑎᒍᑦ ᐋᖅᑭᒃᓯᒪᕗᑦ. ᐊᒥᐊᓕᑲᑦ ᓄᓇᖓᓂ, ᒪᒃᓯᑯᒥ, ᑕᐃᕗᐊᓐ, ᐊᒻᒪ ᑲᓇᑕᐅᑉ ᐊᓯᐊᓂ ᒪᓕᒐᖃᑦᓯᐊᕐᑐᑦ; ᑕᒪᒃᑯᓇᖓᕐᓯᒪᒍᕕᑦ ᓄᓇᓂᑦ, ᖃᐅᔨᓴᖅᑳᕐᓗᑎᒃ ᑲᓇᑕᐅᑉ ᐊᓯᐊᓄᑦ ᓇᑦᓯᔭᐃᑦ ᓂᐅᕕᐊᒃᓴᐅᓂᖏᑕ ᒥᒃᓵᓄᑦ ᒪᓕᒋᐊᓕᓐᓂᒃ.
ᓇᑦᓯᐅᑉ ᐅᕐᓱᖓ ᐊᑐᐃᓐᓇᖃᕈᑕᐅᒻᒪᑦ Omega-3,ᒥᒃ (DPA + DHA + EPA) ᐃᓚᒋᓕᐅᑎᓯᒪᔪᓄᑦ ᑲᒪᒋᔭᐅᓯᒪᓂᖏᑎᒋᑦ ᖃᐅᔨᓴᕐᑎᓄᑦ, ᓘᑦᑖᓄᓪᓗ ᖃᐅᔨᓴᒻᒪᕆᓐᓂᒃᑯᑦ.
Seal Oil
ᓇᑦᓯᐅᑉ ᕿᓯᖓ ᐊᒻᒪ ᕿᑐᒻᒪᒃᓴᕐᓯᒪᔪᑦ ᐊᔾᔨᒌᖏᑦᑐᓄᑦ ᐊᑐᕐᑕᐅᒍᓐᓇᕐᒪᑕ ᓲᕐᓗ ᐱᐅᓴᐅᑎᓄᑦ, ᑲᒥᓐᓄᑦ, ᐊᑎᒋᓄᑦ ᐊᒻᒪ ᐊᓯᖏᓐᓄᑦ ᐱᐅᓴᐅᑎᓕᕈᑕᐅᓗᑎᒃ.
Seal Fur & Leather
ᓇᑦᓯᐅᑉ ᓂᕿᖓ ᐱᐅᔪᒻᒪᕆᐊᓘᕗᖅ ᓄᒃᑭᒃᓴᐅᑎᖃᒪᑦ ᑎᒥᒧᑦ ᐊᒻᒪ ᐊᑲᐅᓪᓗᓂ ᐊᐅᒻᒧᑦ, ᔨᖕᒧᑦ, ᒪᒃᓂᓯᐊ ᐊᒻᒪ ᑎᒥᒧᑦ ᓴᖏᓴᐅᑎᒥᒃ B-12,ᒥ. ᓇᑦᓯᐅᑉ ᓂᕿᖓ ᐃᓚᖃᖏᒻᒪᑦ ᑎᒥᒧᑦ ᖃᓂᒪᐅᑎᓂᒃ ᐅᕝᕙᓘᓐᓃᑦ (hormones)ᓂᒃ.
Seal Meat
